A concelleira de Participación Cidadá, Marta Iglesias, anunciou que proximamente se poderá adquirir café de comercio xusto a través das máquinas de vendig e na cafetaría do Concello, despois da reunión que mantivo hoxe mércores con representantes do Fondo Galego de Cooperación e da ONG Amarante.
Como actividade previa ao Entroido, o xoves 23 na praza da Constitución , a partir das 19 horas terá lugar as actuacións dos grupos que participan no concurso de coplas, evento que se recuperou no 2005 despois de máis de vinte anos de ausencia.
O xoves 23 , as 20,00 h. no salón de actos da Casa Galega da Cultura terá lugar a presentación do libro "Polos mares de Galicia – Ámbitos de Galicia 2005", no que se recollen os relatorios e intervencións do ciclo de conferencias que, baixo o mesmo título, se desenvolveu entre o 19 de maio e o 2 de xuño do 2005.