José Manuel Figueroa asegurou hoxe luns que o Goberno municipal, do que é portavoz, ten "vía libre para facer a contratación do Pazo de Congresos". Segundo Figueroa, o próximo luns como moi tarde convocarase a Mesa de Contratación que deberá tomar unha decisión para que a Xunta de Goberno resolva posteriormente.
A alcaldesa de Vigo, Corina Porro, aseguroulles hoxe luns ao presidente da Cooperativa de Armadores, Ramiro Gordejuela, e ao xerente desta entidade, José Ramón Fuertes, que a reordenación dos espazos portuarios "non mermará para nada a actividade pesqueira".
A concelleira de Benestar Social, Marta Iglesias, presentou os talleres de formación en prevención de drogodependencias para pais e nais de xuntas directivas das ANPAs e para orientadores de centros de ensino. Estas accións formativas intégranse dentro do convenio para o desenvolvemento de programas de prevención, que o Concello ten asinado para o curso 2005-2006 coa consellería de Sanidade da Xunta- Comisionado do Plan de Galicia sobre Drogas.
A Consellería de Cultura e Deporte, a través da súa Dirección Xeral de Patrimonio, vén de declarar o casco vello de Vigo como Ben de Interese Cultural (BIC) coa categoría de conxunto histórico-artístico.
O Concello e a Xunta colaborarán para o desenvolvemento dun programa integral de atención, orientación e asesoramento a inmigrantes e emigrantes retornados a Vigo, que ten coma finalidade facilitar a integración social deste colectivo. A alcaldesa, Corina Porro e o conselleiro de Presidencia, Administracións Públicas e Xustiza, José Luis Méndez Romeu, asinaron o sábado pasado un convenio con este obxectivo.
A VII Bienal de Pintura Eixo Atlántico inicia a súa andadura co lanzamento da convocatoria dos premios Eixo Atlántico e o premio Xoves Talentos Luso Galaicos. O certame artístico, con seis edicións celebradas, converteuse no segundo en importancia de toda a península ibérica polo número de participantes.