venres, 9 maio 2003

"De Coia ao mar" pinta o carril bici da avenida de Castelao

venres, 9 mai 2003

Uns 35 membros da asociación de veciños Camiño Vello de Coia pintarán o treito do carril bici comprendido entre as rúas O Grove e Marín o domingo, 11 de maio. Os 1.200 metros escollidos constitúen a primeira fase do programa "De Coia ao mar", dirixido á recuperación do camiño do bulevar para bicicletas e peóns, que pretende a futura continuación ata a praia de Samil.

Concerto de guitarra no ciclo de música "Xeración 2000+3"

venres, 9 mai 2003

Marcos Díaz protagoniza o segundo dos concertos do ciclo de novos intérpretes, dentro da programación que ofrece a Concellería de Cultura e que ten como elemento principal a guitarra . O recital terá lugar o domingo ás 20.30 horas no auditorio do Conservatorio de Música de Vigo, con entrada gratuita.

¿Xogas?, en galego podemos leva o Touporroutou a Teis e a orquestra da Escola municipal de música á praza da Constitución

venres, 9 mai 2003

As actividades do programa municipal de dinamización lingüística desta fin de semana desenvolveranse o sábado 10 de maio ás 18:00 na praza da Constitución e no Centro cívico de Teis. Touporroutou e a Escola municipal de música terán senllas actuacións para os máis pequenos. O domingo 11 de maio ás 12:00 haberá unha xornada de xogos tradicionais no Calvario.