luns, 28 abril 2003

Teatro na rúa con motivo dos premios Max

luns, 28 abr 2003

A celebración da gala da VI edición dos Premios Max no centro cultural Caixanova converterá a cidade de Vigo na capital teatral do Estado. Os días previos á gala, que será o luns 5 de maio, os vigueses poderán disfrutar de espectáculos de teatro na rúa organizados polo Concello que animarán as zonas centrais, portuarias e de praia da cidade. O alcalde Lois Castrillo e Mercedes Pascual, co-directora da productora Anexa, presentaron a semana de teatro na rúa con actuacións de grupos procedentes de Cataluña, Euskadi e Galicia.

Aberto o prazo de inscrición para o "Día da muiñeira"

luns, 28 abr 2003

Ata o 23 de maio permanece aberto o prazo de inscrición para o "Día da muiñeira", organizado pola Concellería de Festas e Animación Sociocultural en colaboración coa Escola Municipal de Danza e de El Corte Inglés. As entidades interesadas en participar no acto, que se desenvolverá na rúa Venezuela o vindeiro 1 de xuño, a partir das 12:00 horas, deben rexistrarse na Secretaría da Escola Municipal de Danza, de luns a venres en horario de 10:00 a 12:00 horas e de 19:00 a 21:00 horas.