Escoitar

”De Boa Man” ofrecerá productos na rúa do Príncipe elaborados por discapacitados

martes, 28 mai 2002
imx1470.jpg
Programa
A campaña de divulgación de productos realizados por persoas con discapacidade ”De boa man” desenvolverase durante o 29, 30 e 31 de maio por terceiro ano consecutivo. Promovida pola Concellería de Benestar Social, nesta actividade colaboran a Asociación de Comerciantes de Príncipe e a Obra Social de Caixa Galicia.

Os obxectivos desta campaña consisten en involucrar a todo o tecido social da cidade de cara á integración social das persoas con discapacidade e en ofertar un comercio alternativo e máis solidario. A concelleira de Benestar Social, Belén Sío, o director da Obra Social de Caixa Galicia, Miguel Aguilar López, o presidente da Asociación de Comerciantes e Profesionais da zona Príncipe, Cándido Rial, e os representantes das entidades de discapacitados que participan, Concepción Somoza (APAMP) e Beatriz Macías (ASPANAEX) presentaron, en rolda de prensa, os contidos desta campaña.

Seis entidades para persoas con discapacidade que dispoñen de centro ocupacional (AGASFRA, APAMP, ASPANAEX, DOA, Fundación Menela e San Rafael) exporán e venderán os productos realizados polos seus usuarios nunhas carpas instaladas diante do Museo de Arte Contemporánea, na rúa do Príncipe, dentro dun proxecto conxunto.

Repartiranse folletos informativos sobre a campaña, facendo especial fincapé na información sobre as entidades de discapacitados que participan. O horario de visitas será de 10:00 a 21:00 horas.

Descargar todas as imaxes