Escoitar

Victor Tizón gaña o concurso de carteis da ” Festas do Cristo da Victoria”

luns, 27 mai 2002
O xurado do VI concurso de carteis das ”Festas do Cristo da Victoria”, reunido o pasado mércores na Casa das Artes, decidiu outorgar o premio único do concurso á obra de Victor Tizón Bote, presentada baixo a lema de Póstulo Óptimo e dotado con 3.005,06 euros.

O cartel gañador seleccionouse dun total de 41 traballos presentados ó concurso. A obra premiada utilizarase na difusión do programa das Festas do Cristo da Victoria 2002.

O xurado outorgou dous accésits, dotados con 601,01 euros cada un deles a Marta Riera Táboas coa obra presentada baixo o lema de ”Zuni” e a Roberto Argüelles Menaz polo cartel presentado baixo o lema de ”Ledicia na rúa”.