Ignacio López-Chaves asistirá mañá venres á presentación do libro sobre a Reconquista "Aconteceu en marzo"
Mañá venres día 24 de marzo, ás 18:30, no Centro Cívico de Teis, o concelleiro-delegado da Área de Asuntos Sociais, Ignacio López-Chaves, xunto coa autora Modesta Regueira Núñez, presentará o libro "Aconteceu en marzo", que edita a Concellería con motivo da Festa da Reconquista de 2006.
O libro está ilustrado por Jorge Magutis e prologado polo escritor e articulista Francisco Castro. A edición, de distribución gratuita, é un agasallo do Museo Municipal "Quiñones de León" ás persoas que teñan solicitado un exemplar a través do 010 ou do propio Museo, mentres se dispoña de exemplares. A entrega realizarase nas propias dependencias do Museo á persoa que o teña solicitado.