Escoitar

Actividades lúdicas, deportivas e campamentos centran a oferta de verán de Xuventude

A concelleira Lucía Molares presentou a programación de verán de Xuventude, que este ano, e coincidindo coa saída da Volvo Ocean Race dende a nosa cidade, terán un marcado carácter marítimo.

luns, 6 xuñ 2005
1118057729xove.jpg
As actividades de carácter lúdicas, deportivas e campamentos pretende alcanzar a máis de 5.000 xoves, segundo as previsións do departamento municipal de Xuventude. O prazo de inscrición para participar nas actividades xa está aberto ata cubrir as prazas ofertadas. Para máis información Casa da Xuventude, rúa López Mora,31; teléfono 986 29 48 06 e www.xuventudedevigo.org

Resumo da programación

Actividades deportivas: Organizadas por diferentes colectivos e entidades da cidade, en colaboración coas Concellerías de Xuventude e Deportes. En total, arredor de 3.500 prazas son as que se ofertan nesta especialidade.

Campus Polideportivo
 Idades: De 8 a 16 anos.
 Lugar e datas: No Complexo Deportivo das Travesas, do 27 de xuño ao 1 de xullo.
 Actividades: Baloncesto, balonmán, voleibol, fútbol sala, hokei patíns, baloncesto en cadeira de rodas, ...
 Organiza: Fundación Vide

Iniciación Windsurf
 Idades: A partires de 10 anos.
 Lugar e datas: Estación Náutica do Vao, cunha duración de 4 días nos meses de xuño a setembro.

Iniciación Catamarán
 Idades: A partires de 10 anos.
 Lugar e datas: Estación Náutica do Vao, cunha duración de 4 días nos meses de xuño a setembro.

Perfecionamento Catamarán
 Idades: A partires de 16 anos.
 Lugar e datas: Estación Náutica do Vao, cunha duración de 4 días nos meses de xuño a setembro.

Mergullo
 Bautismo do mar (a partir de 10 anos)
 Saídas (a partir de 16 anos)
 Cursos para titulación 1 Estrela (a partir 18 anos)
 Lugar e datas: Estación Náutica do Vao, nos meses de xuño a setembro.

Singladura ás illas en cruceiro
 Idades: A partires de 18 anos.
 Lugar e datas: Illas Cíes, Ons, Sálvora e Rúa, perante 2 días no mes de xullo.
 Actividades: Navegación a vela na clase cruceiro (RO 330), pernoctando nas illas Cíes.
 Organiza: Federación Galega de Vela

Iniciación ao remo
 Idades: A partires de 10 anos.
 Lugar e datas: Clube de remo de Coruxo, perante 3 días nos meses de xullo e agosto.
 Actividades: Iniciación ao remo dende a praia de Canido á praia do Vao
 Organiza: Clube de Remo de Coruxo

Campus de balonmán
 Idades: Nados do 1990 ao 1997
 Lugar e datas: Pavillón Municipal de Lavadores, do 4 ao 8 de xullo.
 Actividades: Adestramentos, predeportivas, competicións, xogos, ...

Campus de baloncesto Seis do Nadal-Unicef
 Idades: 6 a 17 anos
 Lugar e datas: Instalacións da Universidade de Vigo, do 10 ao 17 de xullo.
 Actividades: Baloncesto, teatro, cine, saídas, deportes alternativos, actividades de aventura.
 Organiza: Clube de Baloncesto Seis do Nadal

Campus Cidade de Vigo de fútbol sala
 Idades: 8 a 16 anos
 Lugar e datas: Pavillón das Travesas, do 16 ao 20 de agosto.
 Actividades: Adestramentos, competicións internas, excursións, praia, piscina xogos, parapente, visitas de xogadores profesionais.
 Organiza: Clube Deportivo Vigo Fútbol Sala

Actividades lúdicas: actividades de carácter lúdico-festivas.

Castroexpresión:
 Dirixida a: Tódolos públicos.
 Lugar e datas: No monte do Castro, 25 de xuño.
 Actividades: Musicais, teatrais, malabares, breakdance, aventura, tai-chi, exhibicións, concertos, DJ´s, festa da espuma.

Castroconcertos: Concertos ao aire libre con grupos da cidade.
 Dirixida a: Tódolos públicos, preferentemente xoves.
 Lugar e datas: No monte do Castro, sábados de xuño a setembro.

Súbete ao Castro: Actividades culturais, deportivas, xogos, obradoiros, internet....
 Dirixida a: Xoves.
 Lugar e datas: Cibercastro no Monte do Castro, todo o ano.

Campionato Nacional BMX Freestyle:
 Dirixida a: Tódolos públicos, preferentemente xoves.
 Lugar e datas: Skatepark do Monte do Castro, 30 e 31 de xullo.
 Actividades: Competicións en diferentes modalidades.
 Organiza: Grupo de afeccionados ás bicicletas BMX.

III Xornadas de xogos de rol, cartas e estratexia:
 Dirixida a: Xoves, a partires dos 14 anos.
 Lugar e datas: No Pavillón do Berbés, do 5 ao 7 de agosto.
 Actividades: Torneos de warhammer, magic, pintura de figuras, rol en vivo, etc.
 Organiza: Asociación Xuvenil Cancerbero.

Campionato Break Dance:
 Dirixida a: Tódolos públicos, preferentemente a xoves.
 Lugar e datas: Pavillón do Berbés, 10 de setembro.
 Organiza: Grupo de breakdance "Black Shadows"

Campamentos: Para os máis novos, a programación oferta 1.025 prazas en diferentes campamentos, a meirande parte deles urbanos, co obxecto de que os nenos e nenas poidan pasa-las súas vacacións na propia cidade, disfrutando dela e coñecendo, ó mesmo tempo, os seus recursos.

Campamento urbano en Coruxo:
 Dirixida a: Nenos e nenas de 7 a 11 anos.
 Lugar e datas: No CEIP A Carrasqueira, CEIP A Paz-Tintureira e na praia da Calzoa, en catro quendas: do 4 ao 8, do 11 ao 15, do 18 ao 22 e do 26 ao 30 de xullo.
 Actividades: Pesca con liña, actividades medioambientais, bautismo do mar, baño e xogos na praia, deportes, obradoiros, roteiros, visitas a Mirambel, Toraia, Montes de Coruxo e Muíños.
 Organiza: CRACC de Coruxo.

Campamento urbano de Teis:
 Dirixida a: Nenos e nenas de 7 a 12 anos.
 Lugar e datas: No CEIP San Salvador (Teis), en dúas quendas: do 4 ao 8 e do 11 ao 15 de xullo.
 Actividades: Obradoiros, xogos cooperativos, deporte alternativo, actividades medioambientais, etc.
 Organiza: Plan Comunitario de Teis.

Verán de lecer:
 Dirixida a: Rapaces e rapazas de 5 a 12 anos.
 Lugar e datas: Na Asociación Veciñal Doutor Fleming, en dúas quendas: do 4 ao 15 e do 18 ao 29 de xullo.
 Actividades: Obradoiros, xogos, excursións, ...
 Organiza: Asociación Veciñal Doutor Fleming

Campamento específico "Divírtete no verán":
 Dirixida a: Minusválidos psíquicos de difícil integración de 9 a 21 anos.
 Lugar e datas: Sala anexa á Piscina Municipal das Travesas, do 18 ao 22 de xullo.
 Organiza: Asociación Xuvenil Abertal e CEE Saladino Cortizo.

Campamento Granxa-escola "El Kiriko":
 Dirixida a: Rapaces e rapazas de 7 a 12 anos.
 Lugar e datas: Granxa-escola "El Kiriko" (Fornelos de Montes), en dúas quendas: do 11 ao 15 de xullo e do 22 ao 26 de agosto.
 Actividades: Aula da natureza, obradoiros de horta, transformación de alimentos, teares, mimbre, barro, apicultura, plantas aromáticas, coidado dos animais, o ciclo da vida, actividades deportivas, piscina, equitación, deportes náuticos, actividades de tempo libre.
 Organiza: Granxa-escola "El Kiriko".

Campamento urbano:
 Dirixida a: Rapaces e rapazas de 8 a 14 anos.
 Lugar e datas: Pavillón Central das Travesas, do 1 ao 12 de agosto.
 Actividades: Obradoiros, xogos, deportes, música, teatro, saídas, ....
 Organiza: A.X.Abertal e A.X.Xentenova

Tempo libre na Beiramar:
 Dirixida a: Rapaces e rapazas de 8 a 12 anos.
 Lugar e datas: Bouzas, en dúas quendas: do 16 ao 20 e do 22 ao 26 de agosto.
 Actividades: Piragüismo, nós mariñeiros, remo, pesca con cana, saídas, baño na praia, xogos, tenis de mesa, etc

Ludotecas: Espacios concibidos como lugares onde aprender xogando. Perante os meses de xuño e xullo permanecerán abertas as da Casa da Xuventude, Coia, Lavadores, Coruxo e O Calvario. Nestes espazos poderanse atender a un total de 300 nenos e nenas dende os 5 ata os 12 anos.
 Dirixida a: Nenos e nenas.
 Actividades: Obradoiros, xogos, deportes, saídas, excursións, festas.
Descargar todas as imaxes