O rexedor recibe na Praza do Rei a Sireno, a mascota da Vigo Street Stunts 2016
Acompañada de varios deportistas e da organización, Sireno, a mascota da Vigo Street Stunts 2016 Body Extreme, achegouse esta mañá á Praza do Rei onde foi recibida polo alcalde de Vigo. A segunda edición deste espectáculo de deporte extremo chegará a Vigo os próximos 8, 9 e 10 de xullo. A mascota é un sireno, nun guiño á famosa escultura de Francisco Leiro, un símbolo de identidade para todos os vigueses xa que, como os competidores deste certame deportivo, observa a nosa cidade desde un punto de vista privilexiado.
