O vehículo oficial de Alcaldía será un C4 Picasso cedido por Citroën durante un mes
A Alcaldía de Vigo contará durante un mes aproximadamente cun C4 Picasso cedido por Citroën como vehículo oficial para a súa promoción. O rexedor coñeceu esta mañá de luns o coche no que se vai desprazar durante os próximos días e durante o acto, no que estivo acompañado pola tenente de alcalde, Carmela Silva, e outros concelleiros, destacou que se trata do vehículo máis vendido en España ao longo do ano pasado.
