O tenente de alcalde renova o convenio con Protección Civil para garantir a seguridade nos actos que se celebren no Ifevi<br />
O tenente de alcalde e presidente executivo do Ifevi, Santi Domínguez, asinou este martes unha nova edición do convenio con Protección Civil, representada pola súa secretaria e responsable dos servizos de terra, Mercedes Ballesteros, e o xerente do recinto feiral Arsenio Prieto . Segundo Santi Domínguez, mediante esta sinatura Protección Civil comprométese a cubrir todos os risgos que se poidan producir nas montaxes que teñan lugar non Instituto Feiral de Vigo, así como as incidencias persoais que se poidan producir nos distintos eventos.
![1271765522protecioncivil.jpg 1271765522protecioncivil.jpg](https://xornal.vigo.org/storage/xornal-historico/medi/xornal/noticias/imx/opt/1271765522protecioncivil.jpg)
"Sen a axuda de Protección Civil non sería doado manter toda a actividade do Ifevi", destacou Santi Domínguez. Na súa intervención, o nacionalista destacou o papel do voluntariado e asegurou que é "fundamental pola súa dedicación e pola vocación coa que realizan estes servizos". Tamén salientou a seguridade que proporcionan nas distintas convocatorias que se celebran.
O tenente de alcalde explicou asemade que o convenio non ten dotación económica posto que Protección Civil realiza os servizos de xeito altruísta, aínda que o Ifevi colabora coa prestación das dietas correspondentes aos voluntarios e voluntarias desplazados aos actos. Finalmente expresou o agradecemento por parte de todo o equipo do Ifevi a todos os integrantes de Protección Civil "pola súa labor".
Descargar todas as imaxes
O tenente de alcalde explicou asemade que o convenio non ten dotación económica posto que Protección Civil realiza os servizos de xeito altruísta, aínda que o Ifevi colabora coa prestación das dietas correspondentes aos voluntarios e voluntarias desplazados aos actos. Finalmente expresou o agradecemento por parte de todo o equipo do Ifevi a todos os integrantes de Protección Civil "pola súa labor".