A campaña de promoción turística de Vigo en Fitur mantén “un crecemento continuo” nas redes sociais
A campaña turística “Vigo, un Nadal de 365 días” e o vídeo de promoción dos atractivos da cidade, presentados o pasado 22 de xaneiro en Fitur, contabilizou 1.674.200 visualizacións nas principais redes sociais, segundo detallou o rexedor.
Abel Caballero destacou hoxe o interese constatado por Vigo a través das visualizacións rexistradas nas principais redes sociais da promoción turística despregada en Fitur, coa campaña “Vigo, un Nadal de 365 días”, que inclúe o vídeo que se proxectou na feira madrileña
O alcalde explicou que das 1.674.200 de reproducións nas redes, en Instagram rexistráronse un total de 661.932; outras 473.500 correspóndense con Tik Tok; 328.768 con Instagram e 210.000 con Youtube. Son datos rexistrados nos perfís de redes sociais do rexedor, do Nadal de Vigo e de Turismo. Estes datos incrementan o resultado dos rexistrados na edición de Fitur de 2025, con 1.559.913, e na de 2024 con 508.232 visualizacións.