Un curso universitario online divulgará o valor xeolóxico das Illas Cíes
O Concello continúa organizando actividades para converter as Illas Cíes en Xeoparque Mundial da Unesco e, unha vez máis, cooperará coa UVigo para organizar un curso universitario. Trátase dunha formación online dirixido a guías profesionais e público en xeral.
O alcalde participou esta mañá na presentación dun curso para comprender, protexer e divulgar o valor xeolóxico das Illas Cíes. Concello e Universidade cooperan na implementación dunha formación on line de dez horas que, aloxada no campus virtual da Universidade de Vigo, combina vídeos, materiais de apoio e un test de avaliación. Trátase, explicou, dun curso moderno, interactivo, gamificado e deseñado para facilitar unha aprendizaxe profundo e aplicado.
O curso foi deseñado por un elenco “excepcional” de investigadores e investigadoras procedentes de das institucións máis relevantes de España e Portugal. Concretamente, detallou, participan ademais da Universidade de Vigo, o Instituto Xeolóxico e Mineiro de España e a Universidade do Algarve. Esta formación ofrece unha visión integral do arquipélago sobre a súa historia xeolóxica, o seu substrato rochoso, os procesos e erosión e acumulación... É, en definitiva un curso para mellorar capacidades e fortalecer a base do coñecemento necesaria para avanzar cara ao obxectivo común: converter as Illas Cíes en Xeoparque Mundial da Unesco.
Caballero avanzou que esta actividade está dirixida a guías e tamén ao público en xeral. As inscricións xa están abertas a través da plataforma oficial da Universidade de Vigo: https://bubela.uvigo.es/bubela/publico/publico.php