O Goberno local remata a humanización de 14 vías da cidade
O alcalde deu conta este venres da finalización dos traballos en varias parroquias viguesas dentro do plan de humanización de máis 350 rúas, que se completará coa ampliación do orzamento municipal.
Abel Caballero informou este venres da finalización dos traballos de humanización realizados polo goberno municipal en varias rúas da cidade nas que se executou a pavimentación, asfaltado, pintado e recrecido de tapas de rexistros e saneamento.
Son as vías que seguen:
-En Cabral: Manuel Álvarez, Fontaíña, rúa Riomao, Avenida Santa Mariña e rúa Subride.
-En Lavadores: Camiño Sampaio e Sampaio de Abaixo.
-En Candeán: rúa Devesa
-En Matamá: rúa Babío e Camiño Lagarella
-En Beade: Estrada Venda
-En Valladares: estrada Gándara
-En Coruxo: San Lourenzo
-En Sárdoma: Subida Monte da Serra
O goberno municipal ten en marcha un plan de humanizacións en 350 rúas de toda a cidade cun investimento total de 26,5 millóns de euros e, tal e como avanzou o rexedor, “faremos máis cunha ampliación de orzamento” municipal.