Vigo acadou os mellores datos turísticos de marzo desde que hai rexistros do INE
O alcalde destacou este mércores as cifras “récord de turismo” en Vigo o pasado mes de marzo, cun incremento do 20,7 por cento con respecto ao mesmo mes de 2024. “Son os mellores datos turísticos de marzo desde que hai datos do Instituto Nacional de Estatística", afirmou.
O rexedor sinalou o aumento dos viaxeiros nacionais nun 22 por cento e os estranxeiros máis dun 17 por cento. Os turistas de distintas comunidades autónomas representan ao 72 por cento das visitas e os extranxeiros un 28 por cento. Caballero recalcou que os últimos datos do INE demostran o peso turístico de Vigo e avanzou que "seguiremos mellorando”.