O alcalde e o delegado de Zona Franca anunciaron que remitiron este venres ao goberno autonómico o novo proxecto de convenio para desenvolver as obras de humanización da vía central da ETEA e a construción do aparcadoiro subterráneo.
A Xunta de Goberno aprobou este venres tamén as bases de selección do programa “Vigo emprega” que permitirá a contratación de 75 persoas durante 9 meses e as subvención de 91500 euros para as entidades sen ánimo de lucro que traballan a prol da igualdade.
O alcalde insta ao goberno autonómico a acometer a substitución completa da cuberta, dado que o seu estado actual require unha intervención que excede a competencia de mantemento.
Abel Caballero expresou este venres o apoio do goberno municipal de Vigo á reclamación da dirección e familias do Colexio Compañía de María para que a Xunta restableza a oferta inicial de 60 prazas para alumnos de 3 anos que cursan cuarto de Educación Infantil, tras a decisión unilateral, e non comunicada por parte da Consellería de Educación, de eliminar un dos tres grupos ofertados no centro. O alcalde, tras reunirse o xoves coa dirección do centro, denuncia que 20 escolares quedaron sen praza e sen o seu dereito a elixir centro educativo. Tras denunciar o "ataque inxustificado" a un colexio con cen anos de presenza e historia na cidade, o rexedor afirma que os recortes de matrícula de 2024 no Colexio Público García Barbón e en 2025 en Compañía de María son un serio ataque á educación de Vigo.
O rexedor olívico participou este venres na xornada inaugural da cita, celebrada no Círculo de Empresarios de Galicia. O VICON 2025 congregará as principais voces do sector, que ofrecerán os seus coñecementos e experiencias aos asistentes. Caballero agradeceu o traballo que desenvolve o sector e defendeu o incremento na inversión en ciberseguridade, ante un mundo cada vez máis conectado e a evolución das guerras modernas.