O goberno local testa no CEIP Escultor Acuña rutas seguras para o alumnado
O alcalde anunciou este martes esta nova proposta en materia de seguridade viaria nos colexios, segundo a cal o goberno de Vigo establece rutas seguras para que os nenos e nenas de Primaria accedan ao centro educativo de forma autónoma. Os itinerarios, xa iniciados no CEIP Escultor Acuña de forma experimental, están marcados con pegadas de dinosauro.
Despois de implantar o plan de tráfico nos accesos aos centros educativos, o Concello de Vigo promove agora rutas seguras para que o alumnado de Primaria acuda ao colexio, xa en probas no CEIP Escultor Acuña con vistas a comezar a xeneralizalo desde setembro, co próximo curso.
Así o anunciou este martes o alcalde de Vigo, quen explicou que se fixa unha rede de itinerarios nas proximidades dos colexios, marcados con pegadas de dinosauro, que permita aos nenos e nenas desprazarse camiñando de forma segura nos seus traxectos diarios. Haberá tamén puntos de encontros para que os nenos salgan xuntos e comercios colaboradores que apoiarán aos escolares, xunto ao respaldo de seguridade viaria en zonas que poidan entrañar riscos.
Abel Caballero enumerou as vantaxes destas rutas: unha mobilidade saudable e segura, redución de tráfico á porta dos colexios e fomenta a autonomía e a responsabilidade infantil.
"Estamos levando adiante un plan completamente diferente de entrada e saída en todos os colexios de Vigo", expuxo o rexedor vigués, quen recordou que "non hai nada tan importante como as nenas e os nenos", a súa seguridade.
Así o anunciou este martes o alcalde de Vigo, quen explicou que se fixa unha rede de itinerarios nas proximidades dos colexios, marcados con pegadas de dinosauro, que permita aos nenos e nenas desprazarse camiñando de forma segura nos seus traxectos diarios. Haberá tamén puntos de encontros para que os nenos salgan xuntos e comercios colaboradores que apoiarán aos escolares, xunto ao respaldo de seguridade viaria en zonas que poidan entrañar riscos.
Abel Caballero enumerou as vantaxes destas rutas: unha mobilidade saudable e segura, redución de tráfico á porta dos colexios e fomenta a autonomía e a responsabilidade infantil.
"Estamos levando adiante un plan completamente diferente de entrada e saída en todos os colexios de Vigo", expuxo o rexedor vigués, quen recordou que "non hai nada tan importante como as nenas e os nenos", a súa seguridade.