Concello de Vigo Vigo org
Xornalxornal.vigo.org
  


Noticias da semana

Suscribirse


 
xoves, 07 de xuño de 2018

Imprimir | Enviar | | Compartir:  


Caballero sitúa a Vigo Bike Contest de Enduro, este domingo, como "unha proba extraordinariamente dura"

O alcalde de Vigo, Abel Caballero, presentou hoxe o Enduro Vigo Bike Contest, XIX Trofeo Cidade de Vigo de mountain bike, unha proba de ciclismo de montaña con cinco tramos cronometrados que se disputará este domingo (11:00 horas) en montes de Vigo e de Redondela.




O rexedor, acompañado polo concelleiro de Deportes, Manel Fernández; o presidente da Federación Galega de Ciclismo, José Manuel Muñiz; os actuais líderes da Copa Galicia de Enduro masculina e feminina, Toni Pérez e Desirée Duarte (do Condado Bike A.D.), e o organizador, Guillermo Janeiro, explicou que esta é "unha proba extraordinariamente dura", e chiscou un ollo tamén á procedencia de Duarte, que é natural de Ponteareas. "É unha marca importante en ciclismo, non é un tema calquera, e liderar a Copa Galicia tampouco é tema menor". 

Clasificatorio o Cidade de Vigo para as Enduro World Series 2019, a única proba en España que puntúa para entrar no circuíto mundial, Janeiro citou este asunto como "moi importante" pois supón a presenza de "bikers" de Portugal, de Galicia "e doutras partes de España" neste Trofeo Cidade de Vigo. 

Con 180 inscritos "un deles é o propio presidente Muñiz", a competición, que será ademais Campionato de Galicia de Enduro e decide a Copa Galicia (circuíto de catro probas que pecha a Vigo Bike), conta co apoio do Concello de Vigo, Montes de Vigo e a comunidade de montes de Candeán ademais da Federación Galega de Ciclismo e, entre os patrocinadores, de Coca Cola, Gadis, Specialized, Five Ten ou Eléctrica Motorcycles.

Este ano a organización elixiu o parque forestal do monte Vixiador como saída e meta. "Sempre fomos fieis a Coruxo, pero tivemos que movernos de ubicación polos incendios", explicou o organizador. 

Así, os tramos serán polo Vixiador e Candeán, pero tamén por Cedeira, Cabeiro e Trasmañó, parroquias de Redondela. Parte do recadado servirá para "plantar un cento de carballos nos montes de Coruxo", anunciou Janeiro. Caballero, pola súa banda, animou a que o público acuda a "un lugar extraordinario".

Esta é a terceira data da proba, posposta dúas veces en marzo (alerta laranxa e pésimo estado dos carreiros polas choivas). "Antes, aínda que houbese temporal, facíase igual... Isto modernizouse moito", chanceou o xefe do goberno local.  
Mais noticias
O Concello pon a venda as entradas para os concertos de verán no Auditorio de Castrelos
Vigo recibe ao tataraneto de Verne, que pronunciará unha conferencia no MARCO
O alcalde anuncia para 2019 a cuarta rebaixa do 10% no imposto de circulación para motos
O goberno local abre a inscrición para participar este verán no voluntariado ambiental nas Illas Cíes
Caballero comprometeuse a seguir apoiando ás familias numerosas na inauguración da súa sede municipal en San Francisco
O Concello adica case 250.000 euros a calefacción e auga quente nas instalacións deportivas


Volver á portada

© Gabinete de Prensa - Concello de Vigo 2003