Concello de Vigo Vigo org
Xornalxornal.vigo.org
  


Noticias da semana

Suscribirse


 
xoves, 30 de xaneiro de 2014

Imprimir | Enviar | | Compartir:  

Exposición ‘Unha máquina desexa instrucións como un xardín desexa disciplina’
Últimos días para visitar esta mostra, que se clausura o 2 de febreiro

Este venres no MARCO proxección de Robinson in Ruins, de Patrick Keiller

Este venres 31 de xaneiro,ás 19.30 h. o salón de actos del MARCO acollerá a proxección do filme Robinson in Ruins. Dirixida por Patrick Keiller, e coa voz de Vanessa Redgrave como narradora, a película documenta a viaxe dun personaxe de ficción polas terras do sur de Inglaterra. Patrick Keiller é un dos artistas participantes na exposición ‘Unha máquina desexa instrucións como un xardín desexa disciplina’, e a proxección da súa película marca tamén o fin desta mostra, que se clausura o domingo 2 de febreiro nas salas do 1º andar do MARCO. Serán pois os últimos días para visitar esta exposición, un proxecto comisariado por Catalina Lozano, gañadora da última edición do Premio para novos comisarios, e que tras a súa clausura en Vigo se exhibirá no FRAC Lorraine de Metz, Francia.




Concibida como continuación doutras dúas películas do mesmo autor —London (1994) e Robinson in Space (1997)—, Robinson in Ruins foi estreada en 2010 na 67ª edición do Festival de Cine de Venecia (2010). A actriz Vanessa Redgrave actúa como narradora tras a morte de Paul Scofield, narrador nos dous filmes anteriores. O mesmo que o seu predecesor, a súa voz sérvenos de guía no deambular do personaxe principal, Robinson, polo sur de Inglaterra. A medida que percorremos os territorios de Oxfordshire e Berkshire, reflexións sobre arquitectura, filosofía, arte, ciencia, política, historia ou agricultura vanse entretecendo con imaxes deses lugares, nunha procura da identidade a través da paisaxe, reivindicando a dimensión emocional que aínda latexa na súa superficie. Dende a súa posición de cineasta-investigador, Keiller insiste na utilidade das imaxes como ferramenta de pensamiento, e utiliza a súa polisemia para retratar o paso do tempo.

+ INFO sobre a exposición ‘Unha máquina desexa instrucións como un xardín desexa disciplina’ en http://www.marcovigo.com/content/unha-m-quina-desexa-instrucci-ns-como-un-xard-n-desexa-disciplina
Mais noticias
Caballero convoca a responsables políticos e axentes sociais de toda a área para analizar o mapa sanitario de Vigo
O Concello arrancará antes dun mes máis dunha veintena de humanizacións no centro e nas parroquias
O alcalde subliña que o índice de satisfacción coa seguridade cidadá en Vigo acada o 98%
Caballero salienta a calidade dos músicos que participarán no Sinfónico de Primavera da Orquestra Vigo 430
O alcalde cualifica de "histórico" o apoio que recibiu o atletismo de Vigo no 2013
Xunta de Goberno Local
Consello da Xerencia Municipal de Urbanismo


Volver á portada

© Gabinete de Prensa - Concello de Vigo 2003