O alcalde asinou esta mañá, xunto coa organización do festival, un convenio por valor de 1.342.000 euros e destacou que "teremos o mellor Marisquiño que se tivo nunca, financiado na súa totalidade polo Concello”. O festival de cultura e deportes urbanos celebrarase do 6 ao 9 de agosto en Samil.
A previsión municipal é que os pregos e as bases do acordo sexan aprobadas o venres, 10 de abril, na Xunta de Goberno Local. “Cando en Vigo operamos desde o diálogo e a unidade, sacamos as cousas adiante”, indicou o rexedor olívico.
O Ministerio de Transportes e Mobilidade Sostible ratificou esta mañá todos os prazos acordados entre as dúas administracións para o tren de alta velocidade Vigo-Ourense directo por Cerdedo. Caballero destacou que non haberá atrasos e que se mantén a folla de ruta trazada no 2025. “O ministerio está a cumprir en tempo e forma o acordado. Todo segue exactamente igual que o pactado hai dous anos: mantéñense os prazos, os tempos e as formas”, indicou.
Segundo explicou o rexedor, este dato supón ademais un incremento do 10,4% respecto ao mesmo mes do ano pasado, o que confirma a tendencia de crecemento do sector turístico na cidade.
Abel Caballero participou este martes na presentación da décima edición da feira do naval, que se celebrará no Ifevi do 19 ao 21 de maio, e que duplicará a superficie de innovación amais de incrementar a presenza de startups, profesionais e persoas emprendedoras do sector.
Abel Caballero expresou este martes o seu apoio á reclamación que o Servizo de Cirurxía Cardíaca de Hospital Álvaro Cunqueiro fai á Xunta para que restableza a poboación de referencia da área sanitaria de Vigo, rebaixada en 2013 en 300.000 pacientes que foron desviados a Santiago.
Abel Caballero mantivo un encontro este martes con Javier Touza, presidente da Cooperativa de Armadores de Vigo, a quen lle trasladou o apoio municipal para a celebración do VII Edición do Festival Arvi do Peixe VSF26 previsto entre os días 9 e 12 de xullo. Para a organización, o festival do peixe contribúe a reforzar a identidade mariñeira viguesa e impulsa a proxección exterior da cidade como capital europea da pesca, xerando un retorno social, cultural e económico para a cidade. Caballero reiterou a colaboración municipal, como é habitual, tendo en conta "que se trata dunha actividade de rango económico moi importante". No encontro tamén estivo presente Mercedes Rodríguez, xerente adxunta da Cooperativa de Armadores.
Esta fin de semana volve a programación municipal de artes escénicas VigoCultura con outras tres propostas artísticas. Dúas para público adulto, o venres 10 con "La Desconquista" e o sábado 11 coa obra "Sabes que las flores de plástico nunca han vivido, ¿verdad?"; e unha para público familiar o domingo 12: "Crisálida".
O alcalde felicitou esta tarde ao novelista Fernando Hernández pola súa nova obra "Conmigo morre o teu segredo". Caballero interesouse polo proceso creativo do autor que comparte a súa paixón pola literatura e a escritura coa súa profesión como policía local. Tamén animouno a continuar coa súa vocación literaria.