A partir de hoxe o Concello poñerá ao dispor dos deportistas que utilizan as pistas de atletismo de Balaídos o material necesario para facilitar a práctica de diferentes disciplinas. O Goberno municipal destina 80.000 euros para “promocionar e potenciar o deporte e o atletismo”, segundo recalcou este martes Abel Caballero durante o acto de entrega do equipamento.
Abel Caballero anunciou este martes tamén que nos próximos días o Concello remitirá á Deputación de Pontevedra un escrito coa listaxe das obras para realizar en Vigo dentro do convenio de cinco millóns de euros que a institución provincial asinou durante a presidencia de Carmela Silva. Insistiu en que o Goberno vigués espera desde hai dous meses unha resposta á súa proposta de reforma da Bancada de Gol do Estadio de Balaídos, cuxo atraso prexudica aos seguidores do Celta.
O alcalde de Vigo, Abel Caballero, presentou esta mañá a que este domingo (10:00 horas) será a terceira cita do circuíto Run Run Vigo, que quince días despois da proba do Calvario 5+5 dirixirá aos “runners” ao barrio de Teis, onde está prevista a quinta edición da chamada 10K de Teis.
Esta tarde comezan os cursos do voluntariado na Oficina de Distrito de Bouzas de 17 a 21 horas co obxectivo de mellorar a acción dos 805 voluntarios municipais. As persoas interesadas poden inscribirse no 010.