A Xunta de Goberno aprobou este xoves o proxecto de humanización da Avenida de Europa que inclúe carril bici con medianeira e zonas verdes, na marxe dereita do tramo comprendido entre Tomás Paredes e a Avenida de Samil. Segundo o alcalde, a nova avenida será “un bulevar urbano”.
O alcalde informou do incremento “moi importante” este ano do número de solicitudes deste servizo que o goberno municipal pon a disposición das persoas interesadas nos dous areais. Amais, deu conta da dispoñibilidade de pulseiras identificadoras para as nenas e nenos nas praias.
O alcalde e presidente da FEMP subliña que o acordo subscrito co Goberno cifra neste prazo a amortización do préstamo dos remanentes á Administración Xeral do Estado. A FEMP traballa coa Dirección Xeral do Tesouro para concretar este e outros extremos das condicións.
A Xunta de Goberno Local adxudicou, por un período de dous anos, a xestión do programa SADI-Canguros que ofrece o coidado temporal das nenas e nenos que queden sós co fin de favorecer a formación e acceso ao emprego, especialmente das mulleres.
Abel Caballero avanza que “temos a ambición de ser a cidade de España con máis arte ao aire libre e imos nese camiño”, logo de detallar que o programa leva xa 84 murais pintados na cidade con 49 centros educativos sumados ao proxecto. Amais eloxia a “calidade artística maxistral” das obras realizadas.