Vigo comezará mañá a reactivar o uso dos parques da cidade, comenzando mañá sábado coa reapertura das áreas infantís e o domingo, coas biosaudables. O luns 22 abrirán as pistas polideportivas. O alcalde reiterou a importancia de cumprir as medidas de hixiene e seguridade establecidas, respectando “estritamente” o control de aforo.
Desde o vindeiro martes, 23 de xuño, a zona da Alameda será semipeonil, de maneira que os peóns terán prioridade, quedando limitada a circulación de vehículos a residentes, acceso a garaxes, servizos como o transporte público, persoas de mobilidade reducida ou carga e descarga
O alcalde confirmou este venres que Amaral actuará en agosto do ano 2021 no Auditorio de Castrelos. Trátase dun novo cambio no programa Vigo en Festas 2020 afectado pola pandemia do Covid-19. Ademais, o grupo zaragozano tamén ofrecerá un concerto acústico este 19 de xullo dentro da programación do Festival TerraCeo no Auditorio Mar de Vigo.
O alcalde de Vigo e presidente da FEMP, Abel Caballero, participou na tarde deste xoves nunha reunión co ministro de Inclusión, Seguridade Social e Migracións, José Luís Escriva. As entidades locais pediron que a lei recoñeza os gastos que lles ocasiona a súa tramitación. Caballero informou que o Concello atendeu esta semana a unhas 4.000 persoas.
O acordo, que ten un importe de 606.000 euros para financiar axudas de comedor e actividades extraescolares, rubricouse este venres nas dependencias municipais. Amais, o Concello cederá o pavillón das Travesas para as probas da EBAU.
O alcalde de Vigo, Abel Caballero, mantivo este venres unha vídeo conferencia co alumnado do Colexio Miralba (Jesuitinas) na que os escolares de 4º de Primaria realizaron varias peticións, como a conversión de VigoZoo en centro de recuperación de fauna. O rexedor tamén animou aos máis pequenos tras a súa etapa de confinamento nos domicilios pola pandemia de Covid-19.