Abel Caballero visitou esta mañá as obras da nova estación de autobuses da cidade e agradeceulle ao presidente da Xunta a "cooperación" neste proxecto no que as administracións competentes, dixo, "estiveron á altura do que Vigo merece".
O rexedor deu conta esta mañá dun volume de obras en marcha ou en previsión por importe de 108 millóns. Algunhas delas xa están a rematadas como as humanizacións das rúas Camelias, Mantelas ou Pazos e outras están moi avanzadas como o pavillón de Romil ou a terceira fase de Gregorio Espino.
O sábado 30 de novembro os hoteis da cidade rexistraron un "cheo sen precedentes e de dimensións inimaxinables", cunha ocupación do 100%. Tal e como explicou o rexedor, o Nadal de Vigo xa está a xerar demanda de aloxamento en distintas localidades da área metropolitana.
O Concello conmemora o Día da Constitución cun acto institucional que se celebra este venres, 6 de decembro, ás 12:00 horas da mañá no MARCO. <br />
Desde este luns día 2 e ata o domingo, 8 de decembro, poderán inscribirse os nenos e nenas de entre 4 e 12 anos para participar nas actividades gratuítas que organiza o goberno municipal.