O alcalde avanzou esta mañá unha remodelación do transporte público ao hospital para mellorar a conectividade e atender unha gran demanda cidadá. Nun primeiro momento, ampliaranse 7 liñas que chegarán ata o Álvaro Cunqueiro, ademais de implementar 3 lanzadeiras que prestarán servizo aos traballadores que teñen que estar ás 08,00 h no complexo hospitalario.
Anunciouno este martes Abel Caballero en rolda de prensa, quen engadiu que o Concello actuará nas rúas Forno e Calazas nesta segunda fase, logo de ter xa mellorado a rúa Ribadavia e as travesías primeira e segunda. Na confluencia de Redomeira e Aragón, o goberno vigués incluirá unha zona verde na remodelación.
O alcalde de Vigo avanzou este martes que estudará a reforma da Praza Elíptica cos veciños da zona para levar a cabo unha humanización. "Quero estudar as consecuencias que tería para o tráfico", sinalou o rexedor tras recibir as propostas dos veciños nunha xuntanza.
O goberno local está a humanizar a rúa Mantelas cun orzamento de 522.000 euros e que suporá a renovación de beirarrúas, pavimento e canalizacións. O rexedor destacou, logo da visita as obras, que é a primeira vez que ningún goberno local actúa na zona de A Salgueira.
Abel Caballero amosou este martes o seu "agrado" e "satisfacción" polo indulto parcial concedido aos sindicalistas vigueses: "Non pode ir ninguén á cárcere pola súa acción sindical". O rexedor tivo palabras de cariño para Carlos Rivas e Serafín Rodríguez e agradeceu a "sensibilidade" do Goberno de España.
Abel Caballero informou este martes dos traballos que se están a levar a cabo na Estación Depuradora de Augas Residuais (EDAR) do río Lagares para mellorar as prestacións da planta e adicar o biogás á xeración de enerxía eléctrica.
A concelleira de Turismo, Ana Laura Iglesias, invitou á cidadanía a achegarse ao recinto feiral este 16 e 17 de febreiro, onde o Salón Retro Galicia homenaxea este ano a Citroën e ao Seat 1430. Entre os atractivos, o autobús Cometa, unha mostra do grupo B de rallies e as homenaxes a Manuel Sanjurjo e a Chano Carrera.