Corporacións grandes e pequenas manifestaron á FEMP a súa disposición a acoller aos migrantes do barco. "Hai un número importantísimo de ofrecementos, cando teñamos o listado llo trasladaremos á vicepresidente", afirmou esta mañá Abel Caballero en rolda de prensa.
O alcalde de Vigo recibiu este martes ao novo reitor da Universidade de Vigo, Manuel Reigosa, co que mantivo unha primeira reunión na que xa abordaron fórmulas de cooperación. "Compartimos a mesma visión da Universidade de Vigo, tanto como alcalde como profesor", asegurou Abel Caballero.
A clasificación de ofertas entre as 24 empresas presentadas á reforma será aprobada o xoves na Xunta de Goberno Local, como adiantou este martes Caballero. O alcalde explicou que a humanización se executa en colaboración coa Deputación e cun orzamento próximo aos 2,9 millóns.
Na Xerencia de Urbanismo desta mañá se iniciará o proceso para que o goberno local poida adquirir a última porcentaxe pendente para que unha parcela en Ramón Nieto pase integramente a mans municipais. O obxectivo será sacala a poxa pública para que se poidan construír unhas 27 vivendas.
Abel Caballero instou este martes á Xunta de Galicia á reposición "inmediata" do servizo de Pediatría no Centro de Saúde de Coruxo, un problema que afecta a un total de 1.050 nenos e nenas da parroquia viguesa. "É unha nova acción da Xunta danando gravemente a calidade sanitaria de Vigo", sinalou.