venres, 27 outubro 2017

Caballero anticípalle por carta a Rajoy que Vigo solicitará a declaración de "Zona afectada gravemente por una emerxencia"

O Goberno municipal xa está a traballar na elaboración dunha memoria detallada que acompañará a solicitude de "Zona afectada gravemente por unha emerxencia de Protección Civil" que o Concello trasladará ao Consello de Ministros. Así llo avanzou Caballero a Mariano Rajoy, nunha carta na que tamén lle insta a pedir na Unión Europea axudas do Fondo de Solidariedade.

O Concello revisará a circulación de camións por Teis se a Xunta non se compromete coa conexión da avenida de Bos Aires co centro

venres, 27 out 2017

O goberno local revisará as autorizacións dos 800 vehículos pesados que a diario circulan por Sanjurjo Badía se a Xunta non inclúe nos orzamentos unha partida para converter en urbano o tramo da AP9 desde Bos Aires. Neste mesmo senso, Caballero fixo súa unha petición de usuarios do Porto de reclamar a exención da peaxe para o transporte de mercadorías.

O alcalde comparte co alumnado de Valadares a súa experiencia ante os incendios

venres, 27 out 2017

Abel Caballero visitou este venres o IES Valadares e o CEIP Sobreira-Valadares para coñecer as actividades que o alumnado dos dous centros de ensino realizou arredor da experiencia vivida a pasada fin de semana cos lumes que sufriu a cidade. Os estudantes de secundaria escribiron relatos sobre o acontecido ao seu redor e os cativos de educación primaria confeccionaron unha árbore decorada xunto coas familias e recitaron poemas de forma conxunta.

Caballero presentou o Torneo Concello de Vigo de fútbol 7, "único" polo seu carácter no competitivo

venres, 27 out 2017

O alcalde, acompañado polo concelleiro de Deportes, Manel Fernández, e por representantes dos clubs de fútbol Alertanavia, C.D. Coya, EDVM Pereiró, Arenas de Alcabre e San Miguel, algunhas das entidades participantes, presentou hoxe unha nova tempada do Torneo Concello de Vigo de fútbol 7, un evento que cada sábado dende o vindeiro 4 de novembro ata o 2 de xuño xogarase no campo do complexo deportivo municipal de Samil. O campionato está dirixido a nenos de 5 a 13 anos.