As partes abordaron os custos previsibles da construción dos accesos á estación de Thom Mayne, de autobuses e a conexión coa AP9, que se sitúa entorno aos 10 millóns de euros. O goberno de Vigo asume ademais o custo total do derribo do paso elevado sobre Alfonso XIII.
O alcalde, Abel Caballero, visitou este martes a humanización da rúa xunto ao edil de Fomento, David Regades. O Concello inviste 872.000 euros na reforma, que inclúe novas canalizacións soterradas de abastecemento, saneamento e pluviais, paneis explicativos sobre aves e un pavimento ecolóxico descontaminante.
O alcalde asinou este martes convenios de colaboración con AFAGA, a Asociación de Persoas Xordas de Vigo, a Asociación Vida Digna e o Banco de Alimentos. Ademais, a Xunta de Goberno Local aprobou dous proxectos de apoio a emprendedores.
O alcalde, Abel Caballero, e a edil de Benestar, Isaura Abelairas, apoiaron este martes aos representantes da Asociación de Trastornos do Espectro Autista de Vigo, entidade creada hai dous anos para avanzar na integración social, educativa e laboral do colectivo.
Concello, Fundación Abrente e Obra social "la Caixa" promoven en Vigo unha nova edición do Proxecto ENKI coa II Carreira de Obstáculos pola Integración que terá lugar o próximo 23 de abril. O prazo de inscrición xa está aberto e todos os fondos recadados irán destinados a proxectos que promoven a inclusión de persoas con discapacidade funcional a través do deporte.
O concelleiro e deputado provincial Santos Héctor participou esta mañá na presentación da terceira edición do Atlante Wine Forum 2017 que se desenvolverá en Vigo o próximo luns 17 de abril. Organizado polo Instituto Galego do Viño, a sede de Afundación acollerá unha xornada de encontro, formación e traballo conxunto dos profesionais do viño que desenvolven a súa actividade no noroeste de España e no norte de Portugal.