Abel Caballero acudiu hoxe xoves a Castrelos, onde o goberno local organizou a I Quedada Literaria 2014 de Vigo e bisbarra, coa participación de medio millar de alumnos, de Infantil a Bacharelato, procedentes de oito centros. A Quedada pecha os obradoiros literarios que organiza o Concello durante o curso e enmárcase na celebración do Día das Letras Galegas, que homenaxea a Díaz Castro.
Concello e Mancomunidade de Montes de Vigo rubricaron este xoves un acordo de colaboración en materia medioambiental, convenio que promove a organización de actividades de educación ambiental, a reparación e limpeza dos roteiros polos montes de Vigo, a creación de novos percorridos e a cooperación para prevención de lumes.
A tenente de alcalde e concelleira de Urbanismo, Carmela Silva, participou hoxe xoves nun foro de urbanismo e infraestructuras organizado polo Círculo de Empresarios de Galicia. Durante a súa intervención, sistitizou o proxecto de cidade que defende o goberno local: viable, sostible e con seguridade xurídica.
Entre o 5 e o 8 de xuño chegará ao Auditorio Mar de Vigo a Art Beer Fest, a Feira Internacional da Cervexa artesana e os Mestres Cerveceiros. O Concello coopera con este certame internacional que reunirá marcas exclusivas de máis dunha ducia dee países durante catro días e que xa celebrou edicións en Caminha ou Lisboa.
O alcalde amosou hoxe xoves a súa satisfacción por conseguir todas as solicitadas na cidade e ser Vigo, xunto a Cartaxena, a cidade española con maior número de bandeiras azuis nas praias. O Concello de Vigo recibe tamén a distinción "Sendeiro Azul" para a senda do río Lagares. Caballero subliñou que "non é facil" obter este recoñecemento "nun ámbito municipal densamente industrial", como é Vigo.
Este sábado, coa festa do patín, o evento da modalidade que reúne a máis deportistas en toda Galicia, comeza a clausura das escolas deportivas municipais, o programa estrela do deporte de formación que no curso 2013-2014 traballou con 4.000 nenos e nenas co apoio do Concello de Vigo.
O xoves, 15 de maio de 2014, ás 19.00 horas no Centro de Documentación e Recursos feministas terá lugar a presentación do libro:"Sexualidad y salud: el estudio de la sexualidad humanadesde la perspectiva de género" de María Lameiras, Mª Victoria Carrera Fernández, Yolanda Rodríguez Castro(Universidade de Vigo, 2014)
Como cada ano dende 1977, o ICOM (Consello Internacional de Museos) invita aos museos do mundo enteiro a celebrar o Día Internacional do Museo, creado para promover o interese xeral pola xestión e as actividades dos museos e centros de arte. O lema para o DIM 2014 é ‘Os vínculos creados polas coleccións dos museos’, que pretende renovar os métodos tradicionais de participación que implementaron os museos para manter vivo o interese do público. Os museos enfróntanse constantemente a cambios que os obligan a reformular o seu compromiso tradicional e atopar novas formas de accesibilidade e comunicación, no seu papel de relatores do patrimonio cultural e da memoria colectiva dunha comunidade.
O Consello Municipal da Muller de Vigo ven de manifestar a súa condena ante os secuestros, por parte de Boko Haram, de 223 xóvenes nunha escola da localidade do noreste de Nixeria o pasado 14 de abril, e solicita o apoio dos gobernos e institucións para frear a violencia de xénero, e máis concretamente a utilización das mulleres como botin de guerra.