O alcalde achegouse hoxe xoves ao colexio público Mosteiro Bembrive que, xunto con outros dous centros da cidade, forma parte dun proxecto europeo que pretende concienciar aos máis novos sobre o medio ambiente. O obxectivo desta iniciativa, que tamén se desenvolve en Nantes, é alcanzar un aforro enerxético do 20%.
O alcalde, Abel Caballero, presentou este xoves con José Luis Rodríguez, da entidade colaboradora Vigo Extreme, unha nova proposta municipal para coñecer a cidade, desta volta sobre patíns. As distintas rutas previstas, adaptadas para patinadores adultos e infantís, terán lugar os domingos de maio e xuño.
O alcalde rubricou este xoves sendos convenios coa Asociación de Corais Polifónicas de Vigo (ACOPOVI) e coa Federación de Bandas de Música Populares de Vigo, 150.000 euros en total para "apoiar o funcionamento das corais e das bandas", que involucran a máis de 3.000 persoas na cidade.