O alcalde, Abel Caballero, informou este martes da reunión do padroado de ProVigo, que debatiu o novo plan estratéxico da entidade ata 2020 contando coas novas infraestruturas que estarán rematadas en 2012. O obxectivo é que "Vigo deixe de ser a gran descoñecida de España". A reunión desta mañá inicia "unha nova etapa" en ProVigo, que aprobou un orzamento de 311.000 euros para 2010.
O padroado da Fundación Vigo Convention Bureau elixiu hoxe a súa imaxe corporativa e tamén á persoa que desenvolverá o cargo de xerente. O tenente de alcalde e presidente do comité executivo da fundación, Santi Domínguez, anunciou que o xerente será Javier Díaz Arnau e a imaxe elixida é obra de Carlos Santodomingo.
O concelleiro de Urbanismo, José Mariño, presentou hoxe o plan parcial no ámbito de Falcoa, dentro do desenvolvemento do PXOM, donde sobre unha superficie total de 127.000 metros cadrados van destinados 74.000 para vivendas, das que 313 son protexidas e 510 libres, ademáis amplos espazos para zonas verdes. O Concello de Vigo presentará a primeiros de 2010 as actuacións que se levan a cabo nos ámbitos de Poulo, Peteta e Macal.