Abel Caballero e Fernández Alvariño se entrevistaron este xoves e pasaron revisión ao estado dos grandes proxectos para Vigo. O alcalde ratificou que a conexión directa a Madrid da Alta Velocidade estará rematada no 2012 e lle transmitiu que está a seguir os trámites da obra "con velocidade e con premura".
Conycase, a empresa concesionaria dos aparcadoiros das rúas Venezuela, Fernando el Católico e Coruña, ten 30 días para efectuar o pago dos preto de 400.000 euros que debe ao Concello. Así o afirmou hoxe xoves o alcalde, Abel Caballero, quen indicou que, de non saldar a débeda, se procederá ao rescate da concesión administrativa.
O tenente de alcalde e concelleiro de Cascos Históricos, Santi Domínguez, salientou este xoves os avances que se están a producir na mellora do mantemento das rúas do Casco Vello. Así o destacou esta mañá no transcurso da visita de inspección aos traballos de reforma de rúas que se están levando a cabo no barrio histórico vigués, e na que indicou que xa son máis de vintes as actuacións desenvolvidas co programa de limpeza de fachadas, tal e como se pode comprobar na praza da Pedra e na rúa Real, entre outras.
Tras a súa estadía en Bruxelas, a exposición da Secretaría Xeral de Política Lingüística "As nosas palabras, os nosos mundos" chega á Estación Marítima de Vigo, onde permanecerá do 24 de outubro ao 7 de novembro. Na cidade olívica, a mostra incidirá no plurilingüismo como unha oportunidade de negocio, xa que cada vez son máis os consumidores que reclaman ser atendidos na súa lingua. Neste sentido, a mostra pon de manifesto o uso do galego como un valor engadido para mellorar a competitividade das empresas.
A Escola Municipal de Música celebrou o mércores 22, o acto de inauguración do curso escolar 2008/2009, ao que asistiu o alcalde e a concelleira de Educación, Laura López Atrio. A escola con 385 prazas ten catro niveis de ensino: música e movemento, plan xeral de estudios, plan de estudios para adultos e plan de acceso ó conservatorio.
Os días 23,24 e 25 de outubro celebrase no Verbum a V edición do certame de documental e vídeo Secuenciacero no que se poderá ver as últimas creacións e tendencia en curtametraxes, documentais,videocreación, videoinstalación e maxia.