O concellerio de Movilidade, tráfico e seguridade, Xulio Calviño, informou este martes 22 de Xullo as 12:00 horas dos traballos realizados en sinalización vial no ano de goberno. Tamén aproveitou para felicitar tanto aos policías encargados do dispositivo de tráfico do Festival Aéreo do pasado domingo como tamén aos cidadáns que elixiron o transporte público para o seu desprazamento. <br />
Do 1 ao 7 de setembro, o Casco Vello de Vigo acollerá a primeira edición da Vicus Romanorum, a primeira festa romana da cidade, segundo anunciou hoxe o tenente de alcalde e concelleiro de Cascos Históricos, o nacionalista Santi Domínguez. O obxectivo desta iniciativa, na que se desenvolverán exposicións, obradoiros, ciclos de cine e recreacións históricas, radica na "recuperación do que foi o inicio da nosa cidade".<br />
O tenente de alcalde, Santi Domínguez, e a concelleira de Benestar Social, María Méndez, anunciaron este martes que Coia contará a principios do 2009 cun novo centro de servizos municipais, que aglutinará ás unidades básicas de atención social (UBAS) de Coia, Litoral e Castrelos. Na presentación do proxecto, os representantes do goberno municipal explicaron que o novo centro se instalará nun local ubicado na rúa Quintela e atenderá a unha poboación inicial de 75.000 persoas. <br />