O concelleiro de Persoal, Carlos L. Font, mostrou a "preocupación" e a "vontade" do goberno de solventar a situación dos traballores do Concello, sen novo convenio desde o 31 de decembro de 2002, e anunciou este martes que comezará as negociacións formais cos sindicatos e o Comité de Empresa antes do próximo 15 de xuño para a elaboración do novo acordo.
Un total de 209 automovilistas están xa inscritos no Rally Rías Baixas, que este ano cumpre a súa 44 edición e se celebrará os días 30 e 31 de maio, segundo anunciou este martes o tenente de alcalde Santi Domínguez na presentación do evento, na que tamén participou o concelleiro de Deportes, Xabier Alonso. "Trátase dunha proba xa plenamente consolidada que conta cun gran arroupo popular e, como vén sendo habitual, puntuable para o campionato de España", subliñou o Santi Domínguez.
O museo Verbum- Casa das Palabras e o auditorio Martín Codax do Conservatorio Superior de Música son os dous escenarios elixidos para celebrar os concertos da oitava edición do Ciclo Xeración 2000+8, segundo salientou este martes o concelleiro de Cultura, o Xesus López. "É un ciclo de música que naceu coa idea de potenciar os xoves valores da música", subliñou o edil na presentación do evento, quen estivo acompañado polo director do Conservatorio Superior de Música de Vigo, Roberto Relova.