O ciclo Xeración 2000+8 celebrarase do 31 de maio ao 13 de xuño no Verbum e no Conservatorio Superior de Música
O museo Verbum- Casa das Palabras e o auditorio Martín Codax do Conservatorio Superior de Música son os dous escenarios elixidos para celebrar os concertos da oitava edición do Ciclo Xeración 2000+8, segundo salientou este martes o concelleiro de Cultura, o Xesus López. "É un ciclo de música que naceu coa idea de potenciar os xoves valores da música", subliñou o edil na presentación do evento, quen estivo acompañado polo director do Conservatorio Superior de Música de Vigo, Roberto Relova.
Xesus López indicou ademais, que na edición deste ano, o certame non só ten como obxectivo difundir e dar a coñecer os intérpretes vigueses, senón que "ten tamén un marcado carácter internacional", como pon de manifesto a actuación do Cuarteto 3 Continente, que terá lugar o sábado, 31 de maio, ás 20.30 horas no Conservatorio vigués. Esta agrupación, creada no ano 2005 co apoio da Alianza Francesa, tenta facer dialogar as culturas propiciando o encontro de músicos de diversa procedencia e diferentes horizontes musicais.
Como novidade este ano, o concelleiro de Cultura tamén salientou a organización de actividades paralelas, en referenza ao concerto que correrá a cargo de Ana Pérez Ventura, o domingo 1 de xuño, tamén no Conservatorio, e a exposición das súas obras pictóricas, que terá lugar do 1 ao 30 de xuño no propio Conservatorio. Como intérprete, Ana Pérez Ventura participou nos anos 2006, 2007 e 2008 no "Ciclo de Novos Intérpretes" da Asociación Galega da Lírica Teresa Berganza. Ademais, é licenciada en Belas Artes na especialidade de pintura, tendo unha boa acollida tanto da crítica e do público.
Pola súa banda, o director do Conservatorio Superior de Música, Roberto Relova, na súa intervención, agradeceu persoalmente e en nove dos músicos galegos o esforzo que desenvolveu a concellería de Cultura, e en particular o concelleiro Xesus López, na elaboración do programa deste ano. "Esta é sen dúbida a mellor programación de todas as edicións do ciclo", subliñou. Neste sentido salientou que este ano o programa inclúe elementos de creación contemporánea caracterizados pola multidisciplinariedade.
O terceiro concerto do ciclo será o de Eliseu Mera e Cándido Cabaleiro, que terá lugar o mércores 4 de xuño, ás 21 horas no museo Verbum. O xoves, 5 de xuño, tamén ás 21 horas no Verbum terá lugar a estrea do Taller Instrumental As Novas Miradas, a cargo do Ensemble de Saxos do Conservatorio Superior de Música de Vigo, baixo a dirección do profesor Rafael Yebra. A seguinte actuación, tamén de carácter multidisciplinar, celebraráse o mércores 11 de xuño, no Auditorio Martín Codax do Conservatorio ás 20.30 horas a cargo do Techné Ensemble: Regreso ao presente. Finalmente, o dúo Syrinx, integrado por Carmen Ferreiro e Ricardo Blanco, pechará o ciclo o venres 13 de xuño ás 20.30 horas no Conservatorio.
Descargar todas as imaxes
Como novidade este ano, o concelleiro de Cultura tamén salientou a organización de actividades paralelas, en referenza ao concerto que correrá a cargo de Ana Pérez Ventura, o domingo 1 de xuño, tamén no Conservatorio, e a exposición das súas obras pictóricas, que terá lugar do 1 ao 30 de xuño no propio Conservatorio. Como intérprete, Ana Pérez Ventura participou nos anos 2006, 2007 e 2008 no "Ciclo de Novos Intérpretes" da Asociación Galega da Lírica Teresa Berganza. Ademais, é licenciada en Belas Artes na especialidade de pintura, tendo unha boa acollida tanto da crítica e do público.
Pola súa banda, o director do Conservatorio Superior de Música, Roberto Relova, na súa intervención, agradeceu persoalmente e en nove dos músicos galegos o esforzo que desenvolveu a concellería de Cultura, e en particular o concelleiro Xesus López, na elaboración do programa deste ano. "Esta é sen dúbida a mellor programación de todas as edicións do ciclo", subliñou. Neste sentido salientou que este ano o programa inclúe elementos de creación contemporánea caracterizados pola multidisciplinariedade.
O terceiro concerto do ciclo será o de Eliseu Mera e Cándido Cabaleiro, que terá lugar o mércores 4 de xuño, ás 21 horas no museo Verbum. O xoves, 5 de xuño, tamén ás 21 horas no Verbum terá lugar a estrea do Taller Instrumental As Novas Miradas, a cargo do Ensemble de Saxos do Conservatorio Superior de Música de Vigo, baixo a dirección do profesor Rafael Yebra. A seguinte actuación, tamén de carácter multidisciplinar, celebraráse o mércores 11 de xuño, no Auditorio Martín Codax do Conservatorio ás 20.30 horas a cargo do Techné Ensemble: Regreso ao presente. Finalmente, o dúo Syrinx, integrado por Carmen Ferreiro e Ricardo Blanco, pechará o ciclo o venres 13 de xuño ás 20.30 horas no Conservatorio.