O Mapa de Ruidos, presentado este martes polo alcalde e membros da empresa redactora Maveín, revela que Vigo se sitúa na media de ruidos das cidades europeas. O Concello presentará en xullo un plan de actuacións para a protección acústica, con medidas como a regulación do tráfico nocturno e nas zonas saturadas e incentivar o uso de vehículos híbridos mediante bonificacións fiscais.
Recollendo o recoñecemento feito polo xornal inglés The Guardian á praia de Rodas, nas Illas Cíes, como a mellor praia do mundo, o tenente de alcalde, Santi Domínguez, ven de presentar a nova campaña de sinalización da Concellería de Turismo que ten por obxectivo facilitar o acceso das persoas que nos visitan ás Illas Cíes. Segundo explicou o tenente de alcalde, instaláronse 28 sinais direccionais que guían aos visitantes dende que entran na cidade por estrada ata a Estación Marítima.
A Concellería de Xuventude convoca o primeiro Concurso de Fotografía e video a través do móbil e un concurso musical co tema " A túa versión do himno galego". Os traballos poderán presentarse ata o 12 de maio.