Corina Porro e Xesús Palmou asinaron un protocolo de colaboración entre Xunta e Concello de Vigo para a construcción dun proxecto que unirá os dous edificios existentes na rúa Lalín cunha torre de nova edificación aglutinando todos os servizos xudiciais da cidade.
O Concello valora de maneira "moi positiva" os contactos que está a manter cos veciños de cara á mellora do Plan Xeral de Ordenación Municipal, así como o estudo das alegacións presentadas. Estas alegacións estarán proximamente a disposición do PsdeG-PSOE "para que faga o que considere conveniente".
A ensemble Música Doméstica pecha o ciclo de música "Xeración 200+5" na parroquia María Auxiliadora, ás 20:45 horas, que organiza o departamento de Cultura.
O Día da Muiñeira reunirá o domingo 5 de xuño na rúa Venezuela preto de 2.600 persoas, que bailarán e tocarán seguindo este ritmo característico do noso folclore. Este evento é un anticipo do Ensalzamento e da Mostra do Traxe Galego.
Dentro do programa de exposicións da Casa das Artes do presente ano 2005, a concellería de Cultura presenta esta exposición que iniciou a súa andaina en Barcelona, itinerando por Zaragoza e mostrándose agora en Vigo por primeira vez en Galicia.
A exposición recompila os traballos resultantes do programa de cursos e obradoiros que a concellería de Muller realiza a través das diferentes asociacións ou vocalías de Muller da cidade. A mostra estará composta por unha exposición no Círculo Mercantil e varios obradoiros ao aire libre.
Os axentes patrullarán en bicicletas para poder acceder a zonas peatonais e ser respectuosos co medio ambiente. O equipo está composto por 12 axentes e prestarán servizo todos os días da semana en horarios de 7 a 15 horas e de 14 a 22 horas.