Escoitar

Oitenta xogadores disputarán en Balaídos o Campionato de España de Squash sub 13 e sub 17

As instalacións do Estadio Municipal de Balaídos acollerán este venres, sábado e domingo o Campionato de España sub 13 e sub 17 de squash. Un total de 80 xogadores procedentes de varias comunidades disputarán 240 partidos para decidiren quen leva o torneo.

xoves, 3 abr 2008
1207230281squash030408.jpg
Ao evento acudirán 80 xogadores de comunidades como Baleares, Murcia, Castela e León, Madrid, Cataluña e Galicia, que estará representada cun total de 40. Desta cifra, 17 corresponderán ao Club Vigo Squash, que deste xeito se converte no que conta con máis xogadores neste Campionato.

Entre os principais favoritos para a consecución dos diferentes títulos están, en sub 13 feminino, Iria Varela (Vigo Squash) e Iria Rodríguez (Pontevedra); en sub 13 masculino, Francisco Ledo (Vigo Squash), Rodrigo Mendioroz (Madrid), Martí Munar (Baleares) e David Antolín (León); en sub 17 feminino, María Dafonte (Vigo Squash), Ana Arosa (Pontevedra) e Sara Esperón (Pontevedra), e en sub 17 masculino, Hugo Varela (Vigo Squash), Alberto Pérez (Murcia), Manuel Ruiz (Murcia) e Roger López (Cataluña).

Os horarios dos encontros serán os seguintes: o venres, de 18.30 a 21.30 horas; o sábado, de 09.30 a 21.30 horas, e o domingo, día das finais, de 10.00 a 12.00 horas.
Descargar todas as imaxes