A Escola de Artes e Oficios reedita a súa revista "Argos"
A Escola de Artes e Oficios vén de reeditar a súa revista "Argos", que non saía á rúa desde 1988. A publicación, editada no obradoiro de artes gráficas do centro, ten publicidade trimestral como na súa época anterior.
![1180351105escola.jpg 1180351105escola.jpg](https://xornal.vigo.org/storage/xornal-historico/medi/xornal/noticias/imx/opt/1180351105escola.jpg)
No primeiro número da súa nova etapa, "Argos" inclúe un traballo sobre as madeiras que se empregan nos obradoiros de luthería antiga e outro sobre a reapertura da biblioteca pública "García Barbón", situada no propio centro e que levaba máis de dúas décadas pechada ao público.
A biblioteca, considerada de estilo inglés, dispón dun fondo bibliográfico de máis de 12.000 volumes procedentes do legado de García Barbón, doazóns de particulares e institucións e adquisicións do propio Concello.
A biblioteca está atendida por persoal técnico e conta con 80 postos de lectura para consulta, estudo ou investigación dos seus fondos, mobiliario axeitado, adiantos informáticos e técnicos e conexión a Internet.
A revista "Argos" poderá solicitarse directamente na Escola de Artes e Oficios ou enviando un correo electrónico a biblioteca.emao@vigo.org.
Ademais, a Escola de Artes e Oficios vai editar proximamente unha gramática do galego orientada ao campo da educación, cun glosario castelán-galego dos termos que se utilizan en obradoiros como os de cerámica, deseño, artes gráficas, ourivería, luthería, elaboración de instrumentos musicais tradicionais, pintura, escultura e talla e música tradicional e folk.
Esta gramática será unha das publicacións que editará a Escola de Artes e Oficios dentro da súa Serie Didáctica. A outra serie, a Artística, contará proximamente cun texto de gravado xaponés que actualmente se está a traducir do francés ao galego.
Descargar todas as imaxes
A biblioteca, considerada de estilo inglés, dispón dun fondo bibliográfico de máis de 12.000 volumes procedentes do legado de García Barbón, doazóns de particulares e institucións e adquisicións do propio Concello.
A biblioteca está atendida por persoal técnico e conta con 80 postos de lectura para consulta, estudo ou investigación dos seus fondos, mobiliario axeitado, adiantos informáticos e técnicos e conexión a Internet.
A revista "Argos" poderá solicitarse directamente na Escola de Artes e Oficios ou enviando un correo electrónico a biblioteca.emao@vigo.org.
Ademais, a Escola de Artes e Oficios vai editar proximamente unha gramática do galego orientada ao campo da educación, cun glosario castelán-galego dos termos que se utilizan en obradoiros como os de cerámica, deseño, artes gráficas, ourivería, luthería, elaboración de instrumentos musicais tradicionais, pintura, escultura e talla e música tradicional e folk.
Esta gramática será unha das publicacións que editará a Escola de Artes e Oficios dentro da súa Serie Didáctica. A outra serie, a Artística, contará proximamente cun texto de gravado xaponés que actualmente se está a traducir do francés ao galego.