Educación presenta a Guía de Centros Públicos de Secundaria
A concelleira de Educación, Ana Gandón, presentou a ”Guía de Centros Públicos de Secundaria: un salto ó teu futuro” que pretende ofertar, de xeito áxil e actualizado, a información básica para que os estudiantes poidan coñecer os institutos á hora de facer a escolla.
Editáronse 7.000 exemplares que se distribuirán nos centros de ensino públicos de Vigo, no Instituto Municipal de Educación e na Casa da Xuventude. Tamén serán enviados ós domicilios dos rapaces en idade de principiar os estudios de secundaria xunto co certificado de empadronamento necesario para a matrícula.
Ademais da descrición das instalacións e ciclos impartidos en cada centro público de educación secundaria, aparecen os horarios dos centros, información sobre programas de garantía social e outras opcións educativas. Hai tamén información sobre o procedemento de admisión de alumnado, bolsas e axudas, referencias lexislativas, puntos de información, un directorio de centros e un listado de vocabulario específico, entre outros.
O coodinador da guía, Antonio Vázquez, animou a xente interesada a que acuda ós centros de ensino para resolver as dúbidas que teñan á hora de escoller o instituto. Explicou tamén que se considera imprescindible que todas as familias profesionais teñan presencia na rede de ensino público e Vidro e Cerámica, Artes Gráficas e Comunicación, Imaxe e Son están ausentes.
Existen familias profesionais que, dada a súa demanda, presentan unha oferta claramente insuficiente tales como Electrónica, Hostalería e Turismo, Informática, Mecánica do Automóbil ou Sanitaria. Outra necesidade educativa é a ampliación do Bacharelato de Artes xa que nin en Vigo, nin en toda a provincia de Pontevedra se poden cursar os niveis educativos das Escolas de Artes, sinalou.
Descargar todas as imaxes
Editáronse 7.000 exemplares que se distribuirán nos centros de ensino públicos de Vigo, no Instituto Municipal de Educación e na Casa da Xuventude. Tamén serán enviados ós domicilios dos rapaces en idade de principiar os estudios de secundaria xunto co certificado de empadronamento necesario para a matrícula.
Ademais da descrición das instalacións e ciclos impartidos en cada centro público de educación secundaria, aparecen os horarios dos centros, información sobre programas de garantía social e outras opcións educativas. Hai tamén información sobre o procedemento de admisión de alumnado, bolsas e axudas, referencias lexislativas, puntos de información, un directorio de centros e un listado de vocabulario específico, entre outros.
O coodinador da guía, Antonio Vázquez, animou a xente interesada a que acuda ós centros de ensino para resolver as dúbidas que teñan á hora de escoller o instituto. Explicou tamén que se considera imprescindible que todas as familias profesionais teñan presencia na rede de ensino público e Vidro e Cerámica, Artes Gráficas e Comunicación, Imaxe e Son están ausentes.
Existen familias profesionais que, dada a súa demanda, presentan unha oferta claramente insuficiente tales como Electrónica, Hostalería e Turismo, Informática, Mecánica do Automóbil ou Sanitaria. Outra necesidade educativa é a ampliación do Bacharelato de Artes xa que nin en Vigo, nin en toda a provincia de Pontevedra se poden cursar os niveis educativos das Escolas de Artes, sinalou.