A Concellaría da Muller difunde entre os escolares a historia das mulleres que dan nome a topónimos de Vigo
A Concellaría da Muller está a distribuír entre os centros escolares de Vigo uns folletos titulados "Con nome de muller". Con eles, pretende facer que os nenos e nenas coñezan as figuras de 13 mulleres que dan os seus nomes a outros tantos topónimos do noso municipio.
Estas mulleres son Concepción Arenal, a condesa de Casa Bárcena, Fermina Alonso Lamberti, Inés Pérez de Ceta, Julia Minguillón, María Berdiales, María do Carme Kruckenberg, María Xosé Queizán, Marie Curie, Maruja Mallo, Olimpia Valencia, Purificación Saavedra e Rosalía de Castro.
Cos seus nomes identifícanse 13 topónimos de Vigo, do total de 44 asignados ás mulleres. Dos restantes, tres corresponden a personaxes da realeza, 14 á Virxe ou a santas e outros 14 teñen un sentido descritivo ou de actividades, tales como camiño de Felisa e fonte das Mozas.
Con esta iniciativa, a Concellaría da Muller quere chamar a atención sobre o cativo da presenza feminina no rueiro de Vigo, contribuíndo, ademais, a que a historia das poucas mulleres cuxo nome acabou formando parte da toponimia sexa coñecida.
Cos seus nomes identifícanse 13 topónimos de Vigo, do total de 44 asignados ás mulleres. Dos restantes, tres corresponden a personaxes da realeza, 14 á Virxe ou a santas e outros 14 teñen un sentido descritivo ou de actividades, tales como camiño de Felisa e fonte das Mozas.
Con esta iniciativa, a Concellaría da Muller quere chamar a atención sobre o cativo da presenza feminina no rueiro de Vigo, contribuíndo, ademais, a que a historia das poucas mulleres cuxo nome acabou formando parte da toponimia sexa coñecida.