O Concello concede 150.000 euros a 73 entidades privadas sen ánimo de lucro de Vigo
A Xunta de Goberno Local decidiu conceder subvencións por un importe total de 150.000 euros a setenta e tres entidades privadas sen ánimo de lucro de Vigo para o financiamento das actuacións de mellora das súas infraestructura e equipamentos desenvoltas en 2005.
![1133271794centroamerica.jpeg 1133271794centroamerica.jpeg](https://xornal.vigo.org/storage/xornal-historico/medi/xornal/noticias/imx/opt/1133271794centroamerica.jpeg)
As axudas, que van dos 945 aos 82.064 euros, distribuiranse entre diversas asociacións (veciñais, profesionais, de mulleres, de xubilados, de familiares de enfermos, xuvenís, etc.), centros culturais e outras entidades privadas sen ánimo de lucro.
Por outra parte, o Concello concederá unha subvención de 50.000 euros á Fundación Intermón Oxfam con destino aos damnificados polas recentes catástrofes naturais de Centroamérica e Cachemira.
Ademais, a Xunta de Goberno Local aprobou un convenio de colaboración entre o Concello e a Consellaría da Presidencia, Administracións Públicas e Xustiza para o desenvolvemento de actuacións de acollida e integración das persoas inmigrantes. O convenio conta cunha achega autonómica de 90.000 euros.
Tamén na área de Benestar Social, foi aprobado un convenio de colaboración con Caixa Galicia para a realización do programa "De boa man", consistente nunha exposición en que se venden productos confeccionados por persoas con discapacidade, a través das organizacións sen ánimo de lucro das que forman parte. Por este acordo, Caixa Galicia comprométese a achegar 12.000 euros, mentres que o Concello se encargará da organización da exposición.
Descargar todas as imaxes
Por outra parte, o Concello concederá unha subvención de 50.000 euros á Fundación Intermón Oxfam con destino aos damnificados polas recentes catástrofes naturais de Centroamérica e Cachemira.
Ademais, a Xunta de Goberno Local aprobou un convenio de colaboración entre o Concello e a Consellaría da Presidencia, Administracións Públicas e Xustiza para o desenvolvemento de actuacións de acollida e integración das persoas inmigrantes. O convenio conta cunha achega autonómica de 90.000 euros.
Tamén na área de Benestar Social, foi aprobado un convenio de colaboración con Caixa Galicia para a realización do programa "De boa man", consistente nunha exposición en que se venden productos confeccionados por persoas con discapacidade, a través das organizacións sen ánimo de lucro das que forman parte. Por este acordo, Caixa Galicia comprométese a achegar 12.000 euros, mentres que o Concello se encargará da organización da exposición.