O torneo MS2 Cup reunirá en Vigo a equipos de fútbol base de primeiro nivel
O alcalde saudou este venres na Praza do Bicentenario á organización e parte dos patrocinadores do evento, diante dun autobús promocional rotulado con información sobre o torneo, que se disputará no campo municipal da Madroa en dúas fases: na última fin de semana de maio (categorías sub-16 e sub-14) e na primeira de xuño sub-19, sub-12, sub-10 e sub-8). É a sétima edición deste torneo no que participarán clubs de primeiro nivel como o Real Madrid, Betis, Espanyol ou Barcelona e outros como Oporto ou Benfica así como equipos de Emiratos Árabes ou Australia.
