O Concello axusta os prezos das vivenda de alugueiro a prezo taxado

O Concello segue a traballar para mellorar a situación da vivenda na cidade co reaxuste dos prezos de referencia de alugueiro para as persoas que se acollan ás medidas municipais para sacar ao mercado as súas vivendas baleiras. "Queremos que se incorpore o maior número de inmobles á oferta e por iso se trata de buscar un punto de acordo entre arrendadores e arrendatarios", declarou o alcalde.

O Concello estima que en Vigo hai 12.000 vivendas baleiras. "Se unha parte desas vivenda saen ao mercado de alugueiro e convencemos aos propietarios, teremos dado un paso moi importante.

Axudas de emerxencia

O goberno local aprobou 47 axudas de emerxencia solicitadas para afrontar distintas situacións de emerxencia. Dos 14.768 euros acordados esta semana, 6.120 destínanse aos 16 apoios para gastos de alimentación. A estes hai que sumar outros 17 para afrontar o pago do alugueiro, por 7.343 euros, así como 13 para luz e auga por 879 euros e un para prótese por 525 euros. Caballero explicou que desde principios de ano o Concello aprobou 889 axudas por 276.035 euros.