O goberno local lanza un programa educativo con máis de 450 accións na rede de museos municipais
Co obxectivo de ampliar o nivel de coñecemento dos museos municipais, ponse en marcha un programa educativo que inclúe visitas e outras accións nos distintos contedores municipais da cidade. A previsión é que se organicen alomenos 465 sesións e o importe do contrato de algo máis de 100.000 euros.
O Concello contratou o servizo de xestión e organización do programa educativo da rede de museos municipais para o período 2025-2027. Cun importe de 105.000 euros, o contrato inclúe a xestión e organización das visitas e das accións educativas e culturais que se realicen, a atención aos distintos grupos e colectivos do servizo e o desenvolvemento dos programas educativos e públicos. Esta nova prestación prevé contar a lo menos cunha persoa coordinadora do servizo e dúas educadoras que deberán estar obrigatoriamente de xeito presencial no museo.
A previsión é que se organicen ao redor de 465 sesións educativas ou culturais como actividades para escolares; visitas guiadas para grupos; obradoiros de arqueoloxía en familia; contacontos sobre a historia da cidade; sesións para coñecer a historia do Pazo Quñones de León e os xardíns; itinerarios temáticos polas salas de exposición estable; celebracións especiais; relatorios divulgativos sobre pezas concretas; sesións no Verbum para nenos e nenas; sesións infantís na Pinacoteca durante Nadal; visitas guiadas ás exposicións temporais ou visitas para colectivos en risco de exclusión.