Mulleres artistas de Vigo protagonizan a nova edición do programa “VigoFem” a próxima semana
O martes 22 de outubro terá lugar a primeira das tres actuacións previstas dentro do programa artístico e cultural VigoFem, que se desenvolverá no Museo MARCO e na Porta do Sol.
Abel Caballero avanzou este venres o programa VigFem que comeza o próximo martes, ás 19,30 na galería do Museo MARCO, coa interpretación de Arantxa Treus, Grial Montes, Humi Domado, e textos de Isabel Blanco.
O mércores 23 terá lugar ás 20,30 horas, tamén na galería do MARCO, o concerto-performance a cargo de Esperanza Mara.
A última actividade, prevista ás 21,00 horas do venres 25 na Porta do Sol, contará coa actuación do grupo "De Vacas".
O alcalde lembrou que o Concello creou VigoFem como un espazo "para avanzar nos principios da igualdade e difundir a cultura feminista, ademais de impulsar a creatividade".