Caballero desexa sorte ao Iberconsa Amfiv na presentación da tempada 24/25
A escuadra viguesa de baloncesto en cadeira de rodas realizou esta mañá, no Hotel Hesperia, a tradicional presentación oficial da tempada, que iniciará esta fin de semana, ante o Amivel Reyes Gutiérrez, e que se prolongará ata a derradeira semana do mes de maio. O rexedor quixo estar presente no evento, arroupando ao Iberconsa Amfiv antes do inicio da renomeada Superliga BSR, na que protagonizarán 22 encontros buscando cumprir os obxectivos e obter a mellor clasificación posible.
