Abel Caballero: "Abril foi un mes excepcional en xeración de emprego"
O alcalde da cidade realizou unha valoración tras coñecer os bos datos de emprego que rexistrou España, e en concreto Vigo. "O pasado mes de abril foi o mellor dato de redución de paro da historia", indicou Caballero, sinalando ademais que, "se reduce en case un 11%" con respecto ao mesmo mes en 2023 e situándose en 16.700 demandantes de emprego. Finalmente o primeiro edil sinalou que esta "é a mostra de que a economía e o emprego en Vigo tiran, diminuíndo o número de parados".
