Vigo recibe hoxe ao Carteiro Real na caseta de Policarpo Sanz
Os nenos que queren entregar en man as súas cartas dirixidas aos Reis Magos poderán facelo ata o vindeiro venres 5 de xaneiro.
O alcalde detallou que a caseta instalada na rúa Policarpo Sanz contará cun extenso horario para que os nenos poidan entregar as súas misivas mal Carteiro Real, xa que a caseta permanecerá aberta desde as 11 da mañá ata as 14.00 horas da tarde, e de 17.00 a 21.00 horas. Os días 31 de decembro e 1 de xaneiro contará cun horario distinto. A véspera de Aninovo pechará ás 7 da tarde, e a primeira xornada de 2024 estará aberto entre as 17.00 e as 21.00 horas.
Ocupación hosteleira ao 60 por cento
O alcalde destacou este martes a elevada ocupación hostaleira rexistrada en Vigo tanto en Noiteboa como en Nadal, xa que se alcanzou o 60 por cento das prazas. Sinalou que estas cifras contrastan coa "ocupación 0" que existía na cidade antes de converterse en referencia das festas do Nadal. O rexedor explicou que aos datos dos hoteis hai que sumar o importante nivel de ocupación rexistrado nos apartamentos turísticos, co que a pasada fin de semana a cidade volveu a rexistrar a presenza de miles de visitantes .
