Abel Caballero: "Todo Teis gozará das novas ramplas" que melloran o acceso ao centro de saúde
Abel Caballero inaugurou este venres , cos tenentes de alcaldía Carmela Silva e Javier Pardo, as novas ramplas de acceso ao centro de saúde de Teis e a humanización da rúa Ángela Iglesias Rebollar. As obras contaron cun orzamento total de 1.308.106 euros.
![Abel Caballero nas novas ramplas de Teis](https://xornal.vigo.org/storage/images/opt/fFhXa7qPhAuK4vnmmuE9FELlnlchC1TNlHMJM1MT.jpeg)
“Todo Teis gozará das novas ramplas mecánicas e da humanización da rúa”. Así o anunciou o alcalde tras utilizar a nova infraestrutura de mobilidade do barrio de Teis que salva unha das maiores pendentes de Vigo, por contar cun desnivel do 18 por cento, e que poderá ser utilizada por 6.000 persoas á hora.
O rexedor detallou que as obras contan cun investimento de 1.308.106 euros, dos que 972.972 foron achegados polo proxecto de cofinanciamento cos fondos europeos Next Generation EU, a través do Plan de Recuperación, Transformación e Resilencia do Goberno de España, e outros 335.134 euros polo Concello.
Caballero afirmou que a instalación das ramplas e a humanización da rúa Ángela Iglesias Rebollar representan melloras “extraordinariamente importantes” para Teis.
O alcalde apuntou que as melloras conlevan a renovación da rede de saneamento e abastecemento de auga, ademais da instalación dunha nova iluminación e a renovación dos xogos do parque infantil, entre outras melloras.
![Abel Caballero nas novas ramplas de Teis](https://xornal.vigo.org/storage/images/opt/fFhXa7qPhAuK4vnmmuE9FELlnlchC1TNlHMJM1MT.jpeg)
![Abel Caballero na novas ramplas de Teis](https://xornal.vigo.org/storage/images/opt/Y6Q7HxP2ICnKLc5RIDNwm5UVVld0IGeK34C8DyuF.jpeg)
![Abel Caballero na inauguración das ramplas de Teis](https://xornal.vigo.org/storage/images/opt/x9Vyzd7SF737LJO7bhsnlNONvEYnF26UrjbxxGhY.jpeg)
![Novas ramplas de Teis](https://xornal.vigo.org/storage/images/opt/KAxx06bghjZXlM9Mk7rYZxIpPcPytFOMz1rdIIUO.jpeg)
![](https://xornal.vigo.org/storage/images/opt/OPY5cdnvx8qydHLtC2u8AyATS1dWV8jeQd1mLcIJ.jpeg)
![](https://xornal.vigo.org/storage/images/opt/3b4mFqW8SMZDBThUCBwZK3b0qJ2zgjSESFpeeapM.jpeg)
![](https://xornal.vigo.org/storage/images/opt/o4JDL47EW20ggRSUKnmPD8lRvJr0QZDDDvGbDXpE.jpeg)